Na druhyj tyždeň sja odbude treťe zasidaňa Svitovoj rady Rusyňiv u Prahi

Идуцого тижня зашеданє у Праги
Треце зашеданє новей Шветовей ради Руснацох, Русинох, Лемкох (РРЛ) од єй прешлорочного вибору на Дзешатим Конґресу РРЛ у Руским Керестуре, будзе отримане 27. и 28. фебруара у Праги, у Ческей републики.

Под предшедованьом предсидателя Шветовей ради Дюри Папуґи, на схадзки у Праги, члени Ради буду бешедовац о витворйованю Резолуциї з остатнього, Дзешатого шветового Конґреса РРЛ, о одредзованю датумох и програмох Дня Руснацох у жемох дзе жиєме, односно членїцох Шветового Конґреса, та о актуалним станох у русинских орґанизацийох у жемох, членїцох Конґреса.

Тиж так, на Дньовим шоре Ради и пририхтованє кампанї за пописованє жительства, котре у жемох дзе жию Руснаци будзе 2011. и 2012. року, а заплановане и преглашенє Конкурсу за Награду “Александер Духнович” за 2010. рок, хтору ше додзелює за найлєпше литературне витворенє на руским, русинским, лемковиским язику.

През два днї роботи Шветовей ради у Праги, будзе бешедоване и о функциї и одвичательносцох почесного предсидателя Шветового Конґреса РРЛ, о Архиву Шветового Конґреса, часопису Конґреса "Русин", а под час отримованя Шветовей ради, у Праги будзе отримане и перше зашеданє на Конґресу вибраней Надпатраюцей комисиї Шветового Конґреса РРЛ.

(конєц) зам