Na pijatok počina "Kosteľnikova ješeň"

 

На пияток почина „Костельникова єшень”

 

Тогорочна 22. Културна манифестация (КМ) „Костельникова” єшень” почина того тижня, на пияток, 6. новембра, а по 21. новембер будзе отримана у вецей наших местох.

 

Програма „Костельниковей єшенї” 6. новембра почнє у керестурскей Школи „Петро Кузмяк” з представяньом нових творох Ирини Гади Ковачевич, Меланиї Римар, Агнети Бучко Папгаргаї, Владимира Бесерминя, Миколу Шанту, Асї Папуґа и Ксениї Лїкар, после чого исти дзень у Керестуре будзе перши з вецей планованих литературно-музичних вечарох. На тим першим, госц будзе и познати сербски писатель Светислав Басара.

 

Три програми КМ буду у Коцуре – 12. новембра у ОШ и у Читальнї, а 14. новембра у Етно-клубу „Одняте од забуца”, док Литературно-музични вечар у Дюрдьове тиж будзе 14. новембра. Можлїве же єдна програма КМ будзе отримани и у Осиєку.

 

Попри представяня кнїжкох, 7. новембра у Руским Керестуре будзе представени и нови музични компакт-диск „Керестурски штири дзвони”, а цаловечарши концерт Суботицкого тамбурового оркестру будзе у Велькей сали керестурского Дому култури 13. новембра. На тей програми буду представени и нашей явносци дотераз нє познати твори Гавриїла Костельника.

 

Стретнуце рецитаторох у Кули будзе на соботу, 21. новембра, а дзень пред тим, 20. новембра, у Керестуре почнє 18. Мултимедиялна манифестация младих „Дньовка”.

 

Медзи иншим, на пияток, 20. новембра, на „Дньовки” будзе представени нови музични компакт-диск Златка Русковския, а тогорочна „Костельникова єшень” на соботу, 21. новембра, будзе закончена з главну програму младих „Дньовка”.

 

автор зам