Na štvartok stretnuce z direktorku Kancelariji za ľudski i menšinski prava

На штварток стретнуце з директорку Канцелариї за людски и меншински права

И представителє нашого Совиту буду на схадзки у Беоґрадзе
Прешлого пиятку, 22. марца, у шедзиску Националного совиту Македонцох у Сербиї, у Панчеве отримана схадзка Координациї националних совитох (НС) националних меншинох, на хторей присуствовали и предсидатель НС Руснацох Славко Рац и предсидатель Вивершного орґану нашого Совиту Йовґен Мудри.
 
Як Рутенпрес дознава од Йовґена Мудрия, на сходзе представительох националних совитох у Сербиї найвецей бешедоване о тезох за наступну розгварку з нову директорку Канцелариї за людски и меншински права Влади Сербиї др Сузану Паунович. Схадзка з др Паунович будзе отримана на штварток, 28. марца у Беоґрадзе.
 
Представителє НС принєсли заключеня хтори винєшу директорки Канцелариї за людски и меншински права, а одноша ше на терашнї стан и проблеми у обласцох за хтори компетентни национални совити. Будзе бешеди и о нєдостатку учебнїкох на язикох националних меншпинох, цо тераз шицким найвекши проблем, як и о Нарису закона о информованю и медийох, хтори шицки национални совити, як и їх Координация, нє прилапює.
 
Схадзка Координациї НС националних меншинох у Сербиї з директорку Канцелариї за людски и меншински права на штварток будзе отримана од 10 годзин у Палати „Сербия", а на нєй буду присуствовац и представителє НС Руснацох. Як наявене, после схадзки од 15 г. будзе отримана конференция за медиї.

автор:  зам