Nacionalna strategija Rusnacoch na troch jazykoch

Национална стратеґия Руснацох на трох язикох
У виданю НВУ „Руске слово" и Националного совиту Руснацох, 5. юлия вишла кнїжка у хторей обявена Национална стратеґия Руснацох у Сербиї по 2020. рок на руским, сербским и анґлийским язику, а членом Совиту є представена соботу, 6. юлия, на 15. порядней схадзки того цела.
 
Текст Стратеґиї, хтори финализовали академик Юлиян Тамаш и Михайло Катона, а написали Боґан Виславски, др Михайло Фейса, др Яков Кишюґас, др Борис Варґа, др Янко Рамач, Михайло Катона, Мирослав Кевежди и академик Юлиян Тамаш, на сербски преложела мр Гелена Мадєши, а на анґлийски др Михайло Фейса.
 
У кнїжки обявени и три додатки - Национална стратеґия за младих и Руснаци у Сербиї ­ Основи за виробок стратеґиї за младих Руснацох у Сербиї Мирослава Кевеждия, Материял за виробок Стратеґиї информованя на руским язику др Бориса Варґи и Стратеґия розвою рускей литератури академика Юлияна Тамаша.
 
Дзекуюци инициятиви и велькому закладаню Одбору за информованє Националного совиту, пририхтана и як окремна цалосц у кнїжки обявена и Национална стратеґия за медиї хтори информую на руским язику - „Руского слова", Редакциї Програми на руским язику Радио Нового Саду РТВВ, Информативней програми на руским язику Телевизиї Войводини и локалних медийох хтори информую по руски.

автор:  там