Nacionalna strategija Rusnacoch - rozprava od 20. po 30.november

Розправа од 20. по 30. новембер

Явна розправа о Нарису Националней стратеґиї Руснацох у подручних канцеларийох Националного совиту (НС), односно у КУД по наших местох, будзе отримана од 20. по 30. новембер.

Спрам розпорядку хтори Рутенпрес вчера достал зоз Служби НС, на вовторок, 20. новембра, розправа будзе отримана у Шидзе, у Руским доме од 19 годзин.

На пияток, 23. новембра, розправа о Нарису стратеґиї будзе отримана у Новим Садзе, од 19 г., а на пондзелок, 26. новембра у Коцуре, тиж од 19 годзин.

На вовторок, 27. новембра, розправа будзе отримана у Руским Керестуре, од 18 г., а на нєй би мали участвовац и Руснаци з Подручней канцелариї НС у Кули.

На стреду, 28. новембра, явна розправа будзе отримана у Вербаше, од 19 г., а на пияток, 30. новембра, од 18 г. у Новим Орахове. 

Можлїве же у медзичаше будзе пременки дзепоєдних терминох, лєбо часу отримованя, о чим явносц будзе на час поинформована, як и о местох (простору) дзе розправи буду отримани.

Розпорядок явних розправох од нєшка обявени и на сайту НС и у облачку „Явна розправа” (www.rusini.rs), будзе обявени и у наших медийох, а Рутенпрес их будзе наявйовац и пред планованима терминами отримованя.

(конєц) зам