"Nádej Rusínov, svetlo východnej cirkvi..."

”Надежда русинув, світило Нашої восточної церкви”
Межинапродна конференція, посвячена 200-роччю Мукачовського епископа Андрія Бачинського
 
Греко-католичеські епископы Мадярщины и епархіи сосідных держав у честь памняти Дорогського пароха, намістника, Мукачовського епископа Андрія Бачинського організовали шор конференцій.
 
12—14 новембра 2009 рока Ніредьгазська Высша Греко-католичеська Тео­логічна Школа організовала кон­ференцію, основнов темов кот­рої было отраженіє житя и дія-тельности епископа А. Бачин­ського. Из личностью и служіням епископа, широкый круг об­щественности основный органі­затор конференції др. Томаш Вегшё, историк релігії Теологіч­ної Высшої Школы, познакомив ищи у Шайов-Петрі 22 фебруара 2009 рока. Из докладув Ніредьгазської конференції ищи глуб­же мож было познакомитися из владіющим неординарными способностями державным мужом, исключительным святым отцом, необыкновенным органі­затором, котрый быв способный на великі жертвы во имня процвітанія свого народа, котрый усилив віру и дав културу свому народу.
 
Межи докладчиками сёї необыкновенно глубокої конференції треба отмітити архиепископа Кирила, секретаря Конгрегації Восточных церков из Ватикана. Епископ нашої епархії Его Преосвя­щенство Фюлёп Кочиш, як газда, внимательно слідив за програмов конференції. Мы прослухали из признанієм и благодарностью доклады пароха Даниила Бендаса и историка Лойоша Філіпа из Подкарпатя и также докладчикув из Словакії, Ру­мунії. Послі конференції быв організованый круглый стул, на котрому у свободнуй бисіді обсуждалися вопросы научного світа, межи интересующимися завязовалися братські отношенія.
 
Из докладув конференції мы познакомилися из епископом, котрый быв настоящим  отцом   організующоїся Мукачовської   епархії,   діла мадяр, русинув  и  исповідующих тоту же віру людей иншакої націоналности.
 
Из историчеськых событій мы дозналися про вто, як у новембрі 1809 рока из і уст верховинського намістника о. Михаила Грігашія, прозвуча­ло смутноє красноречивоє сообщеніє: „Світило нашої Восточної церкви, надежда русинув, слава  Мукачовської  епархії,  наш любимый отец,  Его Преосвящентсво Андрій Бачинський 7 новембра  упокоився“.                                                             
                 
Конференція была діла нас духовнов подпитков, котра уси-лила нашу віру, нашу принад­лежность до русинської общины. Най Всевышный дасть нашим епархіям муцної силы и славы. Головному духовному пастырю вічного житя!
 
Дякуєме   організаторам   и   участникам   за высокий   уровень   конференції.   У   конференції принимали участіє председатель ВРМС Андрій Манайло, депутаты РМС Бертолон Міньоцкі и о.Янош Соноцкі.
 
О. Янош Мигаль Соноцки