Nahrada i Hramoti "Vasiľ Turok-Heteš"

Награда и Грамоти „Василь Турок-Гетеш”

Предсидатель Шветовей ради Руснацох/Русинох/Лемкох (ШР РРЛ) Дюра Папуґа на Дню русинскей култури у Мукачеве Юрийови Шиповичови з України уручел першу Награду „Василь Турок-Гетеш”, зa анґажованє у обласци култури у найширшим смислу.

Идейне ришенє и дизайн Плакети Награди виробел Мирослав Силадї з Вербасу, а Награда облапя и пенєжну часц - тисяч еври. У напряме обезпечованя средствох за Награду, Комисия за културу Конґресу педложела, а Шветова рада на схадзки у Мукачеве прилапела же би ше основало и окремна фондация у тим напряме. 

На основи предлогу Комисиї за културу Шветового конґресу, ШР у Мукачеве одлучела же, попри Награди Василь Турок-Гетеш, буду додзелєни и штири Почесни грамоти з истим меном, за розвой РРЛ култури.

Почесни грамоти достаню Етно-клуб „Одняте од забуца” з Коцура, Мария Пипаш, авторка музейней збирки о Русинох у Марамарошу, у  Румуниї; Любка Сеґеди Фалц, поетеса з Винковцох, з Горватскей и Владимир Марушин, директор Ансамблу ПУЛС з Прешова, зоз Словацкей. Грамоти им буду уручени 9. новембра у месце Бая Маре, у Румуниї.

(конєц) зам