Naščiva Bardejovčanoch

Нащива Бардейовчанох
На ютре дополадня, Руски Керестур и други нашо места нащивя госци з Бардейова и бардейовского краю, зоз Словацкей Републики. У Руским Керестуре, коло 20 Русини з Бардейова, Курова, Снїни и других местох нащивя Национални совит Руснацох, Шолу “Петро Кузмяк”, Катедралну церкву и Водицу.

После нащиви Керестуру, плановане же госци зоз Словацкей нащивя и Коцур, а потим пойду до Бикичу, на оберачку грозна. И тото госцованє Русинох з бардейовского краю будзе витворене у рамикох сотруднїцтва Бикичанох з местами у старим краю, у Словацкей, а прейґ Союзу Руснацох Українцох Сербиї.

Як плановане, госци на соботу нащивя Општину Шид, нашу церкву у тим месце, КПД “Дюра Киш”, та Беркасово, Бачинци, Стару Бинґулу и Сримску Митровицу.

През викенд буду присуствовац оберачки грозна у винїци Мирослава Сокола у Бикичу.

(конєц) зам