Našo najznačnejši manifestaciji i festivali prez ľeto

Нашо найзначнєйши манифестациї и фестивали през лєто

Пре лєтню павзу на порталє Рутенпресу, даваме прегляд наших найзначнєйших манифестацийох и фестивалох того лєта.
У Руским Керестуре по нєдзелю, 21. юлий тирва Лєтня школа руского язика, у орґанизациї Одбору за образованє Националного совиту Руснацох, а того викнеду, на пияток и соботу, 19. и 20. юлия, на базену у Руским Керестуре будзе отримани Музични фестивал „Водова фест".
 
Подобова колония Стретнуце у Боднарова у Ґосподїнцох будзе од 26. по 28. юлий.
 
Манифестация Днї керестурскей паприґи будзе отримана 17. и 18. авґуста у Руским Керестуре.
 
Фестивал жридлового шпиваня „Най ше нє забудзе" будзе отрримани 18. авґуста у Дюрдьове.
 
У Коцуре три днї - 23, 24. и 25. авґуста буду отримани програми у рамикох централней шветочносци означованя 250-рочнїци приселєня Руснацох до Коцура и 100-рочнїци виводзеня першей театралней представи по руски на тих просторох. У рамикох централней шветочносци будзе и Фестивал жридловей творчосци Руснацох „Коцурска жатва".
 
Културна манифестация „Миклошевци 2013" у Миклошевцох, у Горватскей, будзе отримана 31. авґуста и 1. септембра.
 
Фестивал народних оркестрох „Мелодиї Руского двору" у Шидзе будзе отримани 14. септембра.

автор:  зам