Novi Sad- Nacionalni soviti

Отримованє манифестацийох присподобиц можлївосцом буджета Войводини

Вчера у Вивершней ради отримана схадзка предсидателя др Бояна Пайтича зоз предсидателями националних совитох у Войводини на котрей бешедоване о актуалних питаньох важних за национални заєднїци.

У першей часци схадзки бешедоване о новим Закону о националних совитох, и заєднїцка оцена же його прилапйованє важни крочай у обеспечованю механїзмох котри гражданом Сербиї- припаднїком националних заєднїцох оможлївює же би, у складзе зоз Уставом Сербиї, прейґ меншинскей самоуправи, витворйовали свойо ґарантовани меншински права.

На истей схадзки бешедоване и о законох котри ше одноша на образованє и културу.С тей нагоди констатоване же у процесу приношеня тих законских актох постцигнути високи ступень конзензуса.

У другей часци схадзки, у котрей участвовал и покраїнски секретар за финансиї, културу и представителє секретарията за меншински права и образованє, бешедоване о дотацийох наменєних роботи националних совитох у Войводини и проєктом меншинских заєднїцох котри конкуровали до двох секретариятох, за меншини и културу.

У розгваркох гварене же пре економску кризу и рестриктивни буджетски можлївосци, у першим полрочю зменшани виноси за тоти намени.

Заключенє зоз тей схадзки же треба през нєпреривне розменьованє информацийох зоз ресорнима секретариятима усоглашовац програми зоз можлївосцами их финансованя док ше нє превозидза финансийни почешкосци.

єп