Odvit na poslanicke pitanje

 
Одвит на посланїцке питанє 
Од народней посланїци Олени Папуґовей, вчера до Рутенпресу сцигол одвит з Министерства за людски и меншински права на єй посланїцке питанє поставене 28. октобра у Народней скупштини Републики Сербиї, а хторе ше одношело на зменшованє средствох за дїялносц националних совитох, та и Националного совиту Руснацох. Министерство за людски и меншински права, 17. новембра послало одвит, у хторим ше наводзи:
 

"Зоз Законом о националних совитох (Службени глашнїк РС чс; 72/09), з членом 115. применєни дотерашнї рамики финансованя нациоанлних совитох, так же ше 30 одсто у истим виносу розпоредзує шицким реґистрованим националним совитом у Републики Серибиї, а остаток - 70 одсто - зрозмирно числу припаднїкох одредзеней националней меншини хтору национални совит представя, як и вкупному числу установох тей националней меншини у обласци култури, образованя, информованя и фаховому хаснованю язика и писма у рамикох активносцох тих установох.”

"Зоз законом о буджету Републики Сербиї за 2010. рок плановани средства до теди за 16 формовани национални совити. После виберанкох 6. юния 2010. р., реґистровани ище штири национални совити (албански, чески, словенски и ашкалийски), так же средста за финансованє роботи мушели буц зрозмирно зменшани шицким националним совитом, та и Националному совиту рускей националней меншини.”
 

"Процентуалне участвованє совитох у розподзельованю средствох з буджету Републики Сербиї кориґоване з Одлуку о одредзованю процентуалного участованя националних совитох у розподзельованю средствох з буджету Републики Сербиї за период октобер-децембер 2010., од 4. окторбра 2010. року. Тота одлука обявена 5. октобра на сайту Министерства за людски и меншински права."
 

"Министерство за людски и меншински права послало Министерству за финансиї вимогу за одобренє срдствох з буджетних резервох за финасованє роботи штирох нових националних совитох, а Министерство финасийох им тоти средства да после ребаланса буджета.”
 

"Зоз корекцию проценталного участваня Совиту у розподзельованю средствох з буджету Републики Сербиї, котра була потребна пре горе наведзени причини, нє мож привесц до вязи з членом 20. Устава Републики Сербиї, бо ше зоз зменшаньом висини средствох за финасованє роботи националних совитох, нє зменшує досцигнути уровенє людских правох, понеже финсаийни права нє уходза до катеґориї здобутих правох” - визначує ше у одвиту на посланїцке питанє.
 

- Одвит министра за людски и мнешинских правох дава вельо можлївосци за коментари, алє алє сом з тей нагоди дала амандман на Предкладанє закона о вименкох и дополнєньох Закона о буджету РС за 2010. рок (ребаланс буджету), понеже у нїм средства знова зменшани и шицким вєдно будзе хибиц 11 850 000 динари. Виходзи же национални совити буду мац ище менєй пенєжи - гварела народна посланїца Олена Папуґа.
 

(конєц) олп/зам