Odyšov do vičnosty...

УМАР ҐАБОР ГАТИНҐЕР ХЛЕБАШКО

Позавчером, вовторок, 26. юлия 2016. року умар наш товариш, приятель, камарат и сотруднїк Ґабор Гатинґер Хлєбашко зоз Будапешту у Мадярскей. 
Ґабор Гатингер бул познати русински поета, литературни творитель, редактор емисийох на русинским язику на Радио Будапешту. Бул зачатнїк розвою русинского руху у Мадярскей и перши предсидатель ОРУМА – Орґанизациї Русинох у Мадярскей, хтора ше до активносцох у рамикох Шветового конґреса Русинох/ Руснацох/ Лемкох уключела од снованя 1991. року.
На III Шветовим конґресу Русинох/ Руснацох/ Лемкох, хтори отримани 1995. року у Руским Керестуре у Сербиї, Ґабор Гатингер бул вибрани за подпредсидателя Шветовей ради Русинох/ Руснацох/ Лемкох. Бул орґанизатор и окреме успишни домашнї IV Шветового конґреса Русинох/ Руснацох/ Лемкох, хтори отримани 1997. року у Будапешту. У активносцох Шветового конґреса Русинох/ Руснацох/ Лемкох активно участвовал по VII Шветови конґрес Русинох/ Руснацох/ Лемкох, хтори отримани 2003. року у Прешове у Словацкей. 
Хованє Ґабра Гатинґера Хлебашка будзе на пондзелок, 1. авґуста 2016. року на 11,00 годзин у месту Биаторбадь при Будапешу, на Реформацким теметове. 
Ґабровей супруги Илдико, їх дзецом, родзини и шицким товаришом, приятельом, камаратом и колеґом посиламе найщирше сочувствиє.
Най му будзе вична слава и памят.