Olena Papuga treca na ľistiny
Олена Папуґа треца на лїстини
Вчера вечар Републична виберанкова комисия (РВК) преглашела и лїстину коалиция формованей коло Новей демократскей странки (НДС) Бориса Тадича, на хторей народна послїнїца з Руского Керестура Олена Папуґа, з Лиґи социялдемократох Войводини (ЛСВ), на високим трецим месце.
Ношитель тей лїстини за парламентарни виберанки 16. марца Борис Тадич, перши на нєй шеф бувшого Тадичового предсидательского кабинету Мики Ракич, други лидер ЛСВ Ненад Чанак, а медзи першима дзешец кандидатами и предсидатель "Вєдно за Сербию" Душан Петрович.
Лїстина ма назву ”Борис Тадич-Нова демократска странка-Желєни, Лиґа соициялдемократох Войводини-Ненад Чанак, Вєдно за Сербию, Демократска заєднїца войводянских Мадярох, Вєдно за Войводину, Демократска лївица Ромох”. После придаваня лїстини до РВК Борис Тадич гварел же на тей лїстини кандидати котри порихтани превжац одвичательносц за пременки у Сербиї, як цо то робели и у предходним периодзе.
- Понеже у Сербиї маме яки-таки национални консензус о евроинтеґрацийох, у наступним периодзе потребна нам и дружтвена догварка о економских и социялних реформох - гварел Тадич.
Лїстина коалициї коло НДС будзе єденаста на виберацким лїстку.
автор: саб
Aktuality
Zobraziť všetky
Dve percentá, jeden spoločný cieľ
Archív: Rodák z Podkarpatskej Rusi Mikuláš Popovič získal ocenenie Česká hlava
Rozhovor: Pešiak, ktorý objavil HIV
Vladyka Milan Lach SJ bol vymenovaný za eparchiálneho biskupa Bratislavskej eparchie
Pozvánka na premiéru: Predavač dažďa / Продавач доджу
Lemkovia vytvárajú „Hołos“. O kultúre, ktorá nezanikla
Naše obce
Zobraziť galérie
Ujko Vasyľ
Paraska sja zkaržyť Vasyľovi na ich syna:
-Z nym sja už ne dasť vytrymaty. Sluchať lem rady všelyjakych idioťiv. Prošu ťa, iď, pobišiduj z nym...!
