Otrimana promocija kňižki o ruskim obiscu

 

Внєдзелю, 10. марца, у Церковней сали св. Миколая у Новим Садзе була промоция кнїжки Олени Папуґовей „Руске обисце," хтора пририхтана и електронски, та отримана и проєкция кратшого филму. Модератор програми була Агнета Масларова, а пред красним числом нащивительох, о кнїжки бешедовали Саша Сабадош, Блаженка Хома Цветкович, Ирина Папуґа и сама авторка. У пригодней програми участвовали члени музичней секциї РКПД.
 

Понеже то була єй дипломска робота, Олена Папуґова бешедовала о доходзеню до податкох о руским обисцу у прешлосци. Найвекшу часц фотоґрафованих предметох и часцох руского обисца нашла у Етно-музею у Петровцох, у Горватскей, а информаторе єй були з Керестура, Коцура и Бачинцох.

На концу, даскельо слова зоз своєй рецензиї поведла и Ирина Папуґа, визначуюци значносц тей публикациї. У мено Дружтва за руски язик, литературу и културу, хторе видало кнїжку, Папуґова придала подзекованє орґанизаторови тей промоциї - Културно-просвитней ради парохиї Грекокатолїцкей церкви св. апостолох Петра и Павла.

 

автор:  бхц