Otrimana schadzka Švetovej rady

Отримана схадзка Шветовей ради
МУКАЧОВ (УКРАЇНА), 21. марец 2011. - Вчера у Сваляви, у України на Подкарпатю, закончена друга часц дводньового зашеданя Шветовей ради (ШР) Руснацох/Русинох/Лемкох.

Зоз Седму схадзку ШР предшедовал єй предсидатель Дюра Папуґа, а на тей схадзки закончена розправа о Статуту и розпатрани перши план роботи Єденастого конґресу РРЛ, котри ма буц отримани 16,17. и 18. юния у Будапешту.

Рада принєсла одлуку же у  каждей жеми дзе жию Руснаци, Шветови конгрес муши мац водзацу орґанизацию. Може то буц и асоцияция русинских орґанизацийох, алє и асоцияция муши мац ношителя, цо би мала буц найстарша русинска орґанизация у одредзеней жеми.

Шветова рада розпатрала и прилапела материяли за стретнуце делеґациї Ради з представителями Верховней ради и Влади України, котре заказане за нєшка, 21. марец, у Києве.
На схадзки Ради у України догварене же єй 8. зашеданє будзе отримане 22. мая у Мадярскей, на Дзень Русинох у тей жеми. На тей схадзки будзе бешеди лєм о темох вязаних за протокол активносцох 11. конґресу РРЛ, а єдна з и за будуци приєм членох ШР у Парламенту Мадярскей.

Попри урядовей часци схадзки, члени ШР мали стретнуце з ґубернатором Закарпатскей обласци Александром Ледидом, з представителями русинских орґанизацийох на Подкарпатю, а присуствовали и годзином виучованя русинского язика у Мукачове и Сваляви.

(конєц) сил/зам