Označena 60-ročnica Družstva "Jakim Hardi"

Означена 60-рочнїца Дружтва
На Други дзень Крачуна, 26. децембра, Културно-уметнїцке дружтво "Яким Гарди" з Петровцох преславело 60 роки постояня.  Програма почала з покладаньом венцох на памятнїк, потим отримана Шветочна скупштину Дружтва, а отворена и вистава, з назву "Дипломи, припознаня и подзекованя", та Шветочни концерт.
 

На концерту з нагоди 60-рочнїци, свою активносц указали танєчнїки - старша и младша ґрупа, шпиваче, а перша часц Концерту була у знаку крачунских шпиванкох. Як госци, на концерту наступели и Женска шпивацка ґрупа „Бикичанки" з Бикичу, и Вуковарчанє.  Културни живот у Петровцох ше почал одвивац пред вецей як дзеведзешат роками, кед и Руснаци за Дунайом предлужовали свою традицию, обичаї, танци и шпиванки.

Понеже тедишнї обставини у орґанизациї преросли уровень роботи по секцийох, а и по других наших местох сновани подобни дружтва, у Петровцох 22. децембра 1950. року, урядово основане Културно-просвитне дружтво "Яким Гарди".
 

Мено дате по активному членови, културному дїячови, котри погинул у другей шветовей - Якимови Гардийови. Дружтво мало даскельо периоди роботи, а углавним, танєчнїки вше були активни. Робели и робя оркестер, шпиваче и драмски аматере. Простор на котрим ше вежбало и наступало бул у Задружним доме. Кед згорел, КУД ше преселєло до Огньогасного дому, и з роботу ше нє претарговало, та з вибудову нового дому, ту предлужени културни и дружтвени живот.

Нєшка КУД „Яким Гарди" з Петровцох ма вецей як сто членох, котри предлужую роботу своїх сновательох. На концу шветочносци з нагоди явилею, за шицких учашнїкох орґанизована вечера и друженє, дзе домашнї госцом уручели пригодни дарунки.
 

(конєц) дюв