Parastas za vladiku Havrijila Bukatku

Парастос за владику Гавриїла Букатку

Владика Гавриїл Букатко
Пред 32-ома роками, 19. октобра у Вербаше умар владика Гавриїл Букатко, а поховани є на нєшкайши дзень у Руским Керестуре 1981. року. З тей нагоди, внєдзелю 20. октобра, у Церкви Рождества Пресвятей Дїви Мариї у Миклошевцох, парох о. Яким Симунович служел парастос за владику Букатку, котри бул родом з Долнїх Андриєвцох и припадали парохиї Пишкоревци
 
У казанї о. Симунович здогаднул вирних на владикову мисионерску дїялносц, кед после Другей шветовей войни превжал Крижевске владичество. Док бул на чолє Владичества, владика основал 10 нови парохиї - Берак, Нове Орахово, Кула, Метлика (Словения), Винковци, Вербас, Вуковар, Индїя, Станєвец при Заґребе, а обновена и парохия у Беоґрадзе. Основани и два духовни центри - у Славонским Бродзе и Карловцу.
 
Цали свой живот владика Букатко пошвецел обнавяню парохийох и преширйованю грекокатолїцкей вири од Словениї по Македонию, у чим бул барз успишни. Од 1950. по 1960. рок кир Гавриїл Букатко бул секретар владических конференцийох Югославиї, а пре хороту, 1980. року ше поцагнул з Беоґраду до Руского Керестура, дзе є о рок и поховани.

автор:  клї