Paschalne pozdravlenije rusynam na 2013 god.

Пасхальноє поздравленіє русинам на 2013 год.

Христос Воскрес! Войистину Воскрес!

Возлюблені о Воскресшому Господі, братя русины!
У наші русинські Карпаты 1150-й раз йде Пасха Христова. До нас прийшов Христос Спаситель, віру в Котрого наші предкы выявили щи у часы св. Кирила и Мефодія и их святых учеников. Завто, русины, як єден из май давньых народов Європы торжественно и празднуют днеська 1150 годів крещенія Карпатськой Руси.

Через 125 годув позад нас покрестилася и Давня Русь из двома центрами Києв и Новгород, но при помочи нашых предков русинов-угринов, межи котрыма были и наші русины києво-печерськый святый Мойсей Угрин и єго браты Георгій и Єфрем.

Поздравляєме всіх подкарпатськых русинов у світі из красным 1150-літньым юбілеём крещения нашого од часу крещенія мудрого, мирного, благословенного, церковного Божого народа. Най Воскресшый из мертвых Спаситель, Христос Господь, сохранит вшиткых русинов світа у любви, доброму здоровлю и вірности завітам нашых предков, обы держатися нам вєдно, и твердо сокотити честь, права и землю русинов на юг од Карпат.

Войистину Воскрес Христос!
 
Президент Всемірного (Світового) Конгреса Подкарпатськых Русинов В.Джуган.
Глава Європейського Конгреса Подкарпатськых русинов В. Микулин.
Глава Народной Рады Русинов Закарпатья Є. Жупан.
Глава Сойма Подкарпатськых русинов прот. Димитрій Сидор.
Пасха Христова 2013

Zdroj: http://www.ua-reporter.com