Pecero škoľare z Ukrajiny

Пецеро школяре з України
До першей класи ОШ до Школи "Петро Кузмяк" у Руским Керестуре були уписани 50-еро дзеци, з тим же упис тирва по початок школи, и буду два оддзелєня першей класи ОШ, дознава Рутенпрес.
До Ґимназиї керестурскей Школи - до оддзелєня з руским наставним язиком уписани 14 школяре, а спрам скоро уж сиґурних информацийох, до першей класи того оддзелєня буду уписани и штверо Руснаци з Подкарпатя, з України.

Так од нового школского року, з єдним школяром од скорей, у руским оддзелєню керестурскей Ґимназиї найвироятнєйше ше буду школовац пецеро школяре з України.
До оддзелєня Ґимназиї зоз сербским наставним язиком уписани 25 школяре, а до напряму "туристични технїчар" максималне можлїве число - 30 школяре.

Идуцого тижня, од 24. по 28. август, у Школи будзе отримани други уписни термин до интернату. До тераз, до интернату уписани 50 школяре, так же єст коло 10 шлєбодни места.

(конєц) зам