PERESVIČ ĎIDA PERESVIČ BABU... (2)

... že VYCHOD (NAŠ KRAJ) potrebuje regionalnu stranu

Važeny čitataľi  (e)rusynFORUM  i  navštevnyki našych web storinok,
už vecej jak 5 rokiv pro vas bezplatňi rychtujeme servis o aktualňim dijaňi v rusyňskych krajoch, doma i v zahraniču. Ťišyť nas, že štatistika navštevnosti webu rosne každym rokom...

Teper sja zvertajeme my do Vas z prosbov, zrobme dašto pro naš ridnyj kraj spoločňi... Kiď ste stotožneny z dumkov, že v 21.storoču problemy (ekonomicky, kuľturny, školsky a pod.)  sja rišať na urovňi parlamentu - narodnoj rady, vlady, samospravnoho kraja, v organoch mist i valaliv prostrednyctvom zvolenych zastupciv politickych stran, kotry dostavajuť mandat od ľudi vo voľbach, tak poťim je nam všytkym jasne, že jedynyj sposib jak zastavyti propastny regionalny rozďily, je osnuvati političnu partiju, z micnym akcentom na regionalnyj rozvoj.
 
Ne je to lehka uloha, aňi to ne je robota na paru misaciv, je pered nami dovha i tažka doroha. To što sja popsulo, ne bude lehko napravyti. Ale inakšoho vychodysko ne vydyme. Lehko je kritizuvati, ťažko je vysukati soj rukavy. Zato ne stojte bokom aňi vy, dumame holovňi na molodu generacyju, pryložte ruku k ďilu, naš kraj potrebuje najvecej Vas.

Najsampered musyme absolvovati povynnu zakonnu proceduru - odovdzaňa 10 000 podpysiv na registraciju. V prylohi Vam prykladame rtf-subor, de najdete petičnyj harok pro 25 podpysiv.
Všytky udaji na ňim suť povynny, to značiť: meno i familija (priezvisko), adresa, čislo občanskoho preukazu i podpys. Viryme, že pozberati tych paru podpysiv vo svoji okolici Vam nezabere veľo času aňi energiji.

Lehko možeme zrachuvati dovjedna, kiď napr. 500 ľudi pozberať po 25 podpysiv, tak bude procedura stanovena zakonom skoro zakinčena a možeme sja zaoberati rivno prypravov snemu a vyberom kandidativ  za primatoriv a starostiv našych mist a sel. A žeby sme ocenyli Vašu aktivitu, každyj chto pošle harky z minimaľňi  25 platnyma podpysami do 6.augusta 2010 na adresu:
Ján Lipinský
Pribišova 8
841 05 Bratislava,
dostane od nas podarunok - DVD z novym filmom Jozef i joho braťa (2009, ZIRS).   

Z poďakuvaňom za redakčnyj kruh (e)rusynFORUM
janlipinsky
rusyn@centrum.sk

Petičnyj harok najdete TU:  [f91]