Perše stretnuce Rusnacoch z Bačkej Topoľi

Перше стретнуце Руснацох з Бачкей Тополї 

На стретнуцу були прейґ 50 Руснаци з Б. Тополї и з Орахова 
 

У Бачкей Тополї всоботу, 16. марца, першираз отримане орґанизоване стретнуце Руснацох з Бачкей Тополї. З тим витворена вецейрочна идея топольского пароха о. Владислава Раца, а хтора настала после пошвецованя обисцох у Бачкей Тополї.
 

Стретнуце отримане у просторийох Дому култури Бачка Тополя, дзекуюци помоцнїци директора Татяни Дудаш, котра у мено домашнїх и привитала шицких на сходзе и придала квеце ґлумици Аранки Медєшовей.
 

Крем монодрами по руски „Мено ми Андя, а зову ме Ханча" Серафини Макаї, у виводзеню Аранки Медєши з Коцура, а у режиї Дюру Макая, у другей часци програми друженя наступел тамбурови оркестер КУД „Петро Кузмяк" з Нового Орахова.

Як гварела векшина з коло 50 присутних топольских Руснацох, тото стретнуце було успишне, та вироятно нє будзе и остатнє.

 

автор:  себ