Po rusky (rusínsky) i u Kruščiču

Пияток, 4. фебруара, и у Крущичу (општина Кула) почало факултативне виучованє руского язика за школярох основней школи, дознава Рутенпрес.  Наставу у Крущичу, у ОШ „Велько Влахович", будзе тримац професорка руского язика Соня Надь з Руского Керестура.За тераз єст коло дзешецеро дзеци рижних возростох, котри наисце од початку починаю бешедовац и учиц руски язик. Плановане же ше годзини будзе отримовац два раз до тижня.

Пририхтованя за початок факултативного виучованя руского язика у Крущичу тирвали 2-3 роки, а до нїх були уключени Дружтво за руски язик, литературу и културу и Национални совит Руснацох.

Спомнути орґанизациї и надалєй буду водзиц старосц о виучованю руского язика у тим месце, понеже и Школи и дзецом потребни учебнїки, нашо кнїжки и други виданя, а покля то нє превежнє Министерство просвити, Национални совит Руснацох будзе плациц надополнєня наставнїци за роботу з рускима дзецми у Крущичу.
 

зам