Polityčne rišennja rusynskoho voprosa

Автор Микола Жалива

Най думать каждый як хоче , тай што хоче,но лише розумным тай цівілізованым путьом мож штось зробити. Мож кричати ош мы русины, та нас нигда не учувуть, вижу еден путь- треба рушатися на выборы до наших місцевих Рад. Треба іти у власть іти законно тай розумно. Кить буде мати своїх депутатів у обласнів Раді,районах,варишах тай селах, ото укаже усьому світови: Русини не пустый звук, русины можуть за себе постояти,русины можуть еден за другого стати горов.Законно сисе не буде многим любитися…. начнуться усякі провокації, появляться іщи більше «лідерів», ниєдна власть не хоче здаватися.
 

Не ставайме на уті граблі што ставли наші предки, бо каждий хотів мати свою політичну партію, чи організацію, тай знаєме што з того уйшло. Пройграли усі!

Не треба пуддаватися на уговори комуністів тай усяких других партій які хочуть нас лише ізпользовати!Законы Украйны написані так, уби было добре лише злодіям тай олігархам, што нажилися на нашів біді,тай нашів земли. Та є там і такі міста у тых їх злодійських законах, што мож їх ізпользовати,на наш хосен.Лише треба файно їх знати читати,я уті міста найшов,і знаву як ними мож возпользоватися.
 

Мы газды на нашів земли, што нам дав Боженко, мы маэме умісті з тыми народами што туй з нами жиють.
 

Быти не рабами злодіям, а хозяевами свої земли,тай судьбы наших діти!
 

Я, вірю в господа, вірю што будеме жити в сто раз ліпше…но не чекайме ош кось нам ото дасть!
 

Сотворити політичну партію нам не дадуть, блоковатися з комуніштами ото абсурд, нам не мож іти у парі з партійов предшественники якої зничтожили наш букварь тай граматику, наші школы тай гімназії. Коли за єдну ніч ми лишилися русинської індефікації. Знаву ош некоторі "русини" хочуть пудписовати договор, з комініштами та СДП(о). Тов пудписьов они собі пудпишуть "приговор". Є другі вукраїнські партії які готові помогти нам у відродженні нашої культуры.... но нико з них не буде мати діло з крикунами, што кричать про удокремлення уд Украйни. Всьо треба робити в рамках закона, без пустого крика тай "гавканя" ... што і так нич не стоїть.
 

Zdroj: http://www.ua-reporter.com