Popraščaly sme našoho Pryjateľa…

Včera popraščaly sme našoho Pryjateľa bl. p. Bohdana Gambaľa. Pochoron začal s’a o 12.00 hod. v ľubiňskij hrekokatolyckij cerkvy sv. Apostoliv Petra i Pavla. Bohoslužyňa služŷlo dvoch svjaščennykiv – miscevŷj paroch i pryizdnŷj z Pr’ašova jeromonach Markijan ČSVV.

Bohdana Gambaľa praščala rodyna, pryjateli, predstavnykŷ rusyňskŷch medyj ta organizacyj. Na pochoroni prysutnŷ bŷly rusyňskŷ delegacyi z Poľščŷ, Slovacyi i Ukrainŷ. Bohdan Gambaľ bŷl pochoronenŷj na novŷm komunaľnŷm cmontery v Ľubini. Praščaľne slovo nad trunom vŷholosyly po lemkivskŷ dr. hab. Olena Duc’-Fajfer, Petro Trochanovskij, kotrŷj okrem slova od sebe pročŷtal tiž praščaľnŷj lyst od svoho brata – Jaroslava Trochanovskoho. Bohdana Gambaľa, jak jednoho z osnovateliv Stovaryšŷňa Lemkiv, popraščal Andryj Kopča, vedučŷj toj organizacyi. V imeny Stovaryšŷňa «Ruska Bursa» v Gorlyc’ach i medyjaľnoj grupŷ LEM.fm praščaľne slovo povil dr Pavel Maleckij, jeden z členiv organizacyi i redaktor našoho radyja.

Do hrobu bl. p. Bohdana Gambaľa bŷla zložena zemľa z ridnoj Lemkovynŷ – z Čarnoj pry Usťu Ruskŷm, odkale pochodyl Joho rid, i spid Ruskoj Bursŷ v Gorlyc’ach, kotra bŷla obľublenŷm misc’om Pokijnoho.

Vična Jomu Pamjat!

SEVERYJAN KOSOVSKIJ  

žridlo:
https://www.lem.fm/sumar-dnya-na-9-liptsya-yuliya-2020-r/