Povolanka za upisovaňe do okremnoho viberackoho spisku

 

Поволанка за уписованє до окремного виберацкого списку

 

Хто нє уписани, може ше уписац до окремного виберацкого списку

Национални совит Руснацох поволує шицких полнолїтних сонароднїкох же би ше уписали до окремного виберацкого списку, пре участвованє на наступних виберанкох за нови Национални совит, хтори, як наявене, буду 26. октобра.

 

Право на упис до виберацкого списку маю полнолїтни гражданє котри ше пред штирома роками, кед були виберанки за НС, теди нє уписали до окремного виберацкого списку, а окреме поволани млади Руснаци и Рускинї котри у медзичаше, медзи двома виберанками, наполнєли 18 роки, же би ше уписали до окремного виберацкого списку.

 

До окремного виберацкого списку ше мож уписац у своїх општинох, односно у општинских, лєбо городских управох, а вироятно и у месних канцеларийох по местох (у матичара), як оддзелєньох општинских управох, о чим Рутенпрес на час поинформує.

 

Руснаци свой Национални совит пред штирома роками виберали на директних виберанкох понеже теди сполнєта потребна квота виберачох уписаних до окремного виберацкого списку. Особи котри уж уписани до того списку, нє муша ше ознова уписовац, алє у општинских управох, лєбо месних канцеларийох, можу превериц чи су уписани до окремного виберацкого списку.

 

Уписованє до окремного виберацкого списку, як и спомнуте преверйованє чи су уписани, тирва по два тижнї пред отримованьом виберанкох - до коло половки октобра того року.