Poznati sredstva z Pokrajini

Познати средства з Покраїни
За дїялносц у тим року, Националному совиту рускей националней меншини орґани Скупштини Войводини опредзелєли два милиони 504 тисячи динари. Информация о средствох з Покраїни, штредком прешлого тижня сцигла до Националного совиту Руснацох з Покраїнского секретарияту за предписаня, управу и национални заєднїци, ктору подписал секретар Андор Дели.

Як дознава Рутенпрес, у одношеню на прешли рок, средства опредзелєни за тогорочну дїялносц Националного совиту Руснацох векши за коло 600 тисячи динари. Опредзелєни средства предвидзени з Покраїнску скупштинску одлуку о буджету АП Войводини, а на основи критериюмох яки утвердзени з Одлуку о способе и критериюмох розподзельованя буджетних средствох Покраїнского секретарияту за предписаня, управу и национални заєднїци за национални совити националних меншинох. У прилогу допису з Покраїнского секретарияту послати и Контракти, хтори тих дньох буду и подписани, же би ше средства могло почац виплацовац.

зам