Pozyvame na rusyňskyj deň do Prjašova

Mолоды Русины і Містна орґанізація Русиньской оброды на Словеньску в Пряшові і Музей русиньской културы в Пряшові, вас сердечно позывають на културно-сполоченьску акцію під назвом По слідах русиньской културы в рамках Днів русиньскых традіцій. Вірте, же на акцію ся оплати прийты, бо цілый день – 13. новембар (пятниця ) 2009 буде належаты НАМ РУСИНАМ! Програм цілоденного характеру зачне о 10. год. на Русиньской уліці славностным перестрігнутьом машлі, за участи єй ,,кума“ МУДр. Васіля Янка, як і председы МО РОС Пряшів ПгДР. Михала Каліняка за допроводу ядного з найліпшых молодых гармонікарів-Мартіна Караша з Камюнкы. Потім там буде Варголіяда і порядна шов-машкаріяда. UNDERGROUND & WARHOL , ART SHOW SHOCK & ROLL, WORKAHOLIC ANDY WARHOL, SHOW & SHOCK, ART & ROCK…. Уліцов будуть звучати популарны русиньскы співанкы, не буде хыбиты і "не фалшованый" Енды Варгол або його парадны творы за участи роздаваня кока колы... Наслідні о 16,30. год. одкрыта выставка нашых великанів-славных Русинів пряшівщіны в просторах Театру Александра Духновіча в Пряшові. Богатый културный проґрам, котрый буде модеровав наш молодшый Антонійо Бандерас аліяс- Владо Чема, герец ДАД-у, зачне од 17.год. в Театрі Александра Духновіча в Пряшчові. Там Анна Сервіцька, Православный хор під веджіньом Анны Деревяниковой або популарне камюньске Дуо, Лавретаты Співів мого роду 2007- Івана Сівулькова а Мартін Караш. Прийде і популарна особност, но єй мемо зіставать в утаїню аж до кінця. Окрем того буде богата презентація з діятельства молодых Русинів, многы факты з історії і сучасности Русинів у Пряшові, як і його реґіойону. Припомянеме собі і 40 юбілей од заложыня фотбалового клубу Карпатія в Пряшові, з той нагоды буде на вшыткых притомных чекати велике преквапліня. Акція ся одбуде під покровительсвом председы Світового форума русиньской молодежы Інг. Мартіна Караша. Цілоденна презентація русиньства такого характеру буде у Пряшові першыйраз і першыйраз є орґанізовна 3 русиньскыма інштітуції вєдно! Орґанізаторі ся уж теперь тішать на вашу участь і вірять, же і вдяка вам ся іщі веце утриме контінуіта Русинів у пряшівскім реґіоні. Медіялны партнеры: Словеньскый розглас і www.rusyn.sk. За орґанізаторів Сілвія Лисінова