Preporuka za programu roboti Zavodu

Препорука за програму роботи Заводу
На вимогу директора Мирослава Кевеждия, Одбор за културу Националного совиту Руснацох (НС) на остатнєй схадзки принєсол и препоруки за програмну часц роботи Заводу за културу войводянских Руснацох (ВР) у идуцим року.
 
Спрам препорученого, Завод идуцого року и надалєй будзе робиц на орґанизованю централней програми з нагоди означованя Националного швета Руснацох, витворйовац свойо уж започати проєкти од окремного значеня у обласци видавательней и другей дїялносци, а нова обласц будзе финансованє дїялносци у култури на локалним уровню.

Предсидатель НС Руснацох Славко Рац предложел же би Завод нарок виробел идейне ришенє будуцого будинку у Йована Суботича 8 у Новим Садзе, односно Руского културного центру, дзе планована вибудов єдного векшого обєкту за ширши потреби Руснацох, у сотруднїцтве з нашу церкву.

Наложене и же би Завод за цо вецей проєкти, як цо то и други и треци том публикацийох вязаних за Фестивал рускей култури „Червена ружа”, закончовал и прейґ конкурованя на конкурси.

Бешедуюци о вирабяню часци Националней стратеґиї Руснацох за обласц култури, одлучене же тоту роботу окончи Завод за културу ВР, а на основи скорейших виглєдованьох, хтори уж и систематизовани з позбераного материялу за проєкт  Заводу „Явни интерес у култури Руснацох”.

(конєц) зам