Preslaveni Perši dzeň Kračuna

Преславени Перши дзень Крачуна

РУСКИ КЕРЕСТУР- Перши дзень Крачуна, парохиянє керестурскей парохиї преславели з нашим преосвященим владиком Георгийом, котри на 10 г. у Катедралним храме служел Архиєрейску Службу Божу.

З владиком сослужели домашнї и паноцове зоз сушедних парохийох, а на Служби Божей шпивал и домашнї Мишани Хор Катедралней церкви св. о. Миколая и Дому култури, под дириґенством Лидиї Пашовей.

Владика повинчовал Швето Рождества и наглашел же воно у нєшкайших чежких обставинох окреме приноши нову надїю за лєпши живот, радосц и мир.

По дзецинскей Служби Божей, пригодну крачунску програму виведли вецей ґрупи виронаучних дзецох при керестурскей парохиї, а пририхтали их шестри Служебнїци.

Нєшка, на Други дзень Крачуна, преславює ше свята фамелия, Служби Божо у церкви на 8, 10 и 17 годзин, а на 15 г. и Служба у манастире Исусових малих шестрох.

На ютре, на Треци дзень Крачуна, у шицких Службох Божих будзе мированє, а будзе и служена и дзецинска Служба, на 12,30 годзин.

(конєц) маф