PROHOLOŠIŇA DELEGAŤIV XIII. SVITOVOHO KONGRESU RUSYŇIV/RUSNAKIV/LEMKIV

ПРОГОЛОШІНЯ ДЕЛЕҐАТІВ XIII. СВІТОВОГО КОНҐРЕСУ РУСИНІВ/ РУСНАКІВ/ ЛЕМКІВ

 

Делеґаты XIII. Світового конґресу Русинів/ Руснаків/ Лемків в рамках конґресовых активностей, прерокованых од 18. - 21. юна 2015 р. у Деві у Румуньску, потвердили і выголосили текст Проголошіня делеґатів XIII. Світового конґресу Русинів о потребі узнаня Русинів на Подкарпатї у Україні за окремный корінный народ, днесь окрему народностну меншину у Україні і за витворёваня їх прав слободні вызнаті і ужываті властный русиньскый язык, письмо і прав на вызнаня русиньской ідентиты із повным правом на їх слєбодне выясньованя ся під жрыдловым народным меном Русины, на наступных переписох жытельства у Україні.

 

Треба выядриті, же днесь Русины суть вызнаны і хоснують вшыткы свої права у Польску, Ческу, Словеньску, Мадярску, Румунії, Сербії, Хорватску, в країнах у котрых жыють у середні Европі і Северні Америкі, лєм їх нє хоснуют на Україні. Зато, од найвышых штатных орґанів Україны, Рады Европы і Парламенту Европской Унії пожадуєме вытворёованя прав Русинів на Подкарпатї у Україні на вызнаня і ужываня властного русиньского языка, письма і прав на вызнаня русиньской ідентиты, што выходжать із Европской харты о реґіоналных і меншиновых язикох, котрым підписником і република Україна, алє тоти права із Европской харты про Русинів на Подкарпаті нє витворює.
 

Русины на Подкарпаті у Україні мусять вытвориті право у слободнім вырішовані при пописі жытельства, право на освіту в своїм материньскім русиньскім языку, право на розвиток властной културы, право на інформації через друкованы і електронічны медії в русиньскім языку і право на служобне - урядове хоснованя языка і письма каждой народностной меншыны.

 

Проголошіня делеґатів XIII. Світового конґресу Русинів/ Руснаків/ Лемків о потребі узнаня Русинів на Подкарпатї у Україні і витворйованя їх прав, і буде послане до Верховной Рады Україны, Влады Україны, як і до Рады Европы і Парламенту Европской Унії, до якых ся ріхтує вступиті і република Україна.

У Деві, 20. юна (06.) 2015.

 

Дюра Папуґа, председа

Світовой рады Русинів/ Руснаків/ Лемків

 

Zdroj: http://ua-reporter.com/content/172918