Pryhovor Martina Karaša pered vystupiňom DAD v St.Ľubovňi

Váženy damy i panove, dovoľte mi v meňi Rusinskoj obrody na Slovensku Vás tu v Staryj Ľubovňi što najserdečňiše privitati na ďivaďelnym predstavľiňu našoho rusinskoho narodnoho ďivadla a to Ďivadla Alexandra Duchnoviča z Prjašova. Vitajte!!!

Holovnym organizatorom dnešňoho podujaťa je Rusinska obroda na Slovensku a zato mi dovoľte i paru slov o Rusinskoj narodnostnoj menšiňi.

Pri posľidňim ščitaňu ľudej na Slovensku sja ku Rusinskoj narodnostnoj menšiňi priholosilo vecej jak 24 000 obyvateľiv a ku Rusinskomu materiňskomu jazyku okolo 55 000 obyvateľiv, avšak predpokladat sja, že Rusiňiv na Slovensku je omnoho vecej a zato Rusinska obroda aj prostrednictvom takychto kulturno-spoločenskych akcijiv sja snažyt vyzyvati ľudiv, aby sja holosili ku svomu rodu, aby ľude nezabyvali odkaľ pochoďat, kto byli jich rodiče, ďidove i baby, jakym jazykom bisiduvali, z jakoho naroda pochodili ich predkove.

Naš narodnyj buditeľ Alexander Duchnovič, podľa kotroho je pomenovane i naše narodne ďivadlo napisav stišok, kotryj sja stav oficijalnou verzijou hymny všytkych Rusiňiv na sviťi a tot stišok hovoriť:
JA RUSIN BYL JEM I BUDU
JA RODILSJA RUSINOM
ČESTNYJ MOJ ROD NEZABUDU
OSTANUS JEHO SYNOM

RUSIN BYL MYJ OTEC, MATI
RUSSKAJA VSJA RODINA
RUSINY SESTRY I BRAŤA
I ŠYROKA DRUŽINA

Ne zabyvajme Rusiny na tot odkaz Alexandra Duchnoviča ani dnes a ani v roku 2011, koli bude dalše ščitaňa ľudej na Slovensku a nezabuďme sobi pri narodnosti RUSIN zapisati križyk. Tak jak Maďare sja nehaňbjat za svoje, ani my Rusiny sja nemame zač haňbiti, bo sja hovoriť:
KEĎ SME NE RUSINY, TA BUĎME RUSNACI
NIGDA Z NAS NEBUDUT, POKRVNY SLOVACI

A jak by dachto iščy neznav, ci je Rusin, abo Rusnak, vjirju, že herecky výkony v ďivaďeľnym predstaviňu Okresnyj špytaľ Vas o totu dylemu pripravjat.

Praju príjemnyj umeleckyj zažytok.

Bc. Martin Karaš, MO ROS v Kamjunci