Rezolucija delegativ 4.Svitovoho fora molodežy

4. – 7. 6. 2009 в Руськім Керестурі (Сербія) і Петровцях (Хорватія)

І. 4. Світове форум русиньской молодежи (дале СФРМ) схвалює:
А) За члена СФРМ:
1. Молодежну орґанізацію Общество Русинів із Чеськой републікы.
2. Орґанізацію молоды Русины зо Словеньска.
Б) Створити централну інтернетову сторінку СФРМ і забезпечіти, жебы была доповньована найважнішыма інформаціями молодых Русинів із каждого штату.
Одповідна: Молодежна русиньска орґанізація із Румунії

В) Переклад Станов СФРМ до русиньского і анґліцького языка.
Одповідны:. Орґанізація молоды Русины зо Словеньска і США

Д) Реалізацію Русиньскых молодежных таборів:
- 2010 р. на Україні,
- 2011 р. у Сербії.
Одповідны: Председа СФРМ і орґанізації гостюючіх країн

Е) Забезпечіня пропаґачного матеріялу о народных сімболах Русинів про вшыткы членьскы орґанізації. Тым започати дослідну кампань перед зрахованьом людей у роках 2011-2012 в окремых штатах, де жыють Русины.
Одповідный:. председа СФРМ

Є) Сполупрацу із вшыткыма русиньскыма орґанізаціями в окремых штатах.
СФРМ Закликує до сполупраці вшыткы русиньскы орґанізації світа.

Ж.) Членів Выконного орґану СФРМ у складі:
Андрій Трохановскый – Польско
Будимір Сабодайко – Сербія
Марія Сілвесті – Северна Америка
Мірослав Сзеґеді – Хорватьско
Юліюс Фірцак- Румуньско
Мартін Караш – Словеньско
Василь Пукіш – Україна
Выконный орґан СФРМ собі за председу зволив Мартіна Караша зо Словеньска, за підпредседу Василя Пукіша з Україны.

ІІ. 4. СФРМ укладать:
А) Председови СФРМ доповнити сучасны Становы о далшы пропозіції од членів СФРМ і выпрацовати новы Становы і предложыти на схваліня V. СФРМ в Мадярьску.
Одповідны:. председа і члены СФРМ

Б) Выпрацовати письма про компетентны орґаны на Україні з цільом обговоріня проблематікы узнаня карпатьскых Русинів за автохтонну націоналну меншыну на Україні. СФРМ в повній мірі підпорує актівности молодежной орґанізації на Україні о узнаня русиньской народности на Україні.
Одповідны:. председа СФРМ і Выконный орґан СФРМ

Резолуція 4. Світового фора русиньской молодежи была схвалена делеґатами СФРМ в Руськім Керестурі (Сербія) дня 5.6.2009.