Roždestvo Christovo-Kračun

Зоз народзеньом Христовим ­ радосц пришла на Жем, бо ше народзел спаситель швета котри нам принєсол мир. ­ зоз тима словами парохияном у Руским Керестуре, на Велькей Архиєрейскей Служби Божей повинчовал владика Георгий Джуджар єдно з найвекших християнских шветох.

Зоз владиком попри трох домашнїх сослужели ище штирме нашо священїки зоз околних парохийох, а подобнє було и на Всеночним богослуженю на Вилїйов вечар кед Родзенє Христово пришли преславиц и велї вирни и їх госци, а пред тим цали вечар дзеци и млади ходзели по колядованю и винчованю.

Нєшка вирни преславюю други дзень Крачуна котри пошвецени и Назаретскей фамелиї, а на ютре на треци дзень Церква ше здогадує и св. Штефана першого мученїка за виру.

На треци дзень на шицких богослуженьох будзе и мированє, а дзецинска Служба Божа на 11,30 годзин.

На ютре, на треци дзень будзе тиж традицийни Крачунски концерт котри пририхтує Дом култури и парохия . Концерт почнє на 18 годзин у Доме култури.

(конєц) маф