Rusíni zaslali list kyjevskej kanceláriii Rady Európy

Rusynŷ zvernuly s’a pysmom do kyjivskoj kancelariji Radŷ Evropŷ  

 

Іz datov 19-ŷj jun 2018-ho roka bŷlo zahnane pysmo Mortenovy Enbergovy, holovi kancelariji Radŷ Evropŷ v Kyjevi, od rusyňskŷch predstavyteliv Pidkarpaťa i Severnoj Amerykŷ. Rusynŷ žadajuť vŷpovniňa pjaťoch punktiv.
 

Pysmo operedyla osobna striča Enberga iz holovov Narodnoj radŷ Rusyniv Zakarpaťa Jevhenom Županom i čestnŷm predsedom Svitovoj radŷ Rusyniv Pavlom Robertom Magočijom. Tota prochodyla išči 4-ho juna 2018-ho roku v Kyjevi. Na nij bŷlo Mortenom Enbergom zaproponovano, žebŷ Rusynŷ napysaly svoji požadavkŷ, kotrŷ bŷ s’a maly prosadyty na teritoriji Ukrajinŷ.

 

V pysmi, pid kotre s’a okrim Župana i Magočija pidpysav i Nykolas Kupeňskŷj, predseda Svitovoj akademiji karpatorusyňskoj kulturŷ, je naformulovanŷch pjať požadavok. Rusynŷ žadajuť vŷznaňa Kyjevom svoho naroda jak okremoho, kotrŷj ne je žadnŷm subetnosom inšoho naroda. V slidujučim perepysi naseliňa na Ukrajini žadajuť maty okremŷj kod pro zapysovaňa i rozrizniňa rusyňskoj narodnosty jak okremoj. Tak samo je požadovane vŷznaňa rusyňskoho jazŷka jak okremoho slavjaňskoho jazŷka. Na teritoriji dnešňoj Zakarpaťskoj oblasty Ukrajinŷ rusyňskŷ predstavyteli žadajuť zaprovadžiňa navčaňa rusyňskoho jazŷka i kulturŷ na osnovnŷch školach. Іz školstvom je povjazana i ostatňa požadavka. Na Fakulti istoriji Užhoroďskoj nacionalnoj univerzitŷ žadajuť zasnovaty center abo katedru karpatorusyňskŷj študij – karpatorusynistikŷ.

 

Vjedno iz pysmom bŷv zahnanŷj dva i piv storinkovŷj apendiks, v kotrim s’a okremŷ punktŷ kyjivskij kancelariji Radŷ Evropŷ detajlniše pojasňujuť.

 

Rada Evropŷ je medžinarodna (medživladna) organizacija evropskŷch deržav, kotroj holovnŷm ciľom je ochorona ľuďskŷch prav i ukripľaňa pluralitnoj demokraciji, davaňa vkladu do usvidomliňa i rozvytku evropskoj kulturnoj indentičnosty, harmonizacija prava evropskŷch deržav, hľadaňa rišiň na problemŷ jak ksenofobija, menšŷnŷ, ochorona žŷvotnoho otočiňa itd. Tak samo pomahať vostočnoevropskŷm deržavam pry jich modernizaciji i pry demokratizačnŷch reformach. Ukrajina je členom Radŷ Evropŷ od 1995-ho roku.

 

PETRO MEDVІĎ

Žridlo:
http://www.lem.fm/rusinyi-zvernuli-sya-pismom-kiyivskoy-kantselariyi-radyi-evropyi/