Rusinov u Serbiji jest 14 246

Руснацох у Сербиї єст 14 246

Републични завод за статистику (РЗС) вчера обявел Першу кнїжку резултатох прешлорочного попису жительства, спрам хторого 30. септембра 2011. року у Сербиї було 14 тисячи 246 Руснацох. У одношеню на попис з 2002. року, кед було 15 тисячи 905 Руснацох, тераз нас єст за тисяч 659 особи менєй як пред дзевец роками.
 
Спрам остатнього попису, Република Сербия ма 7 милиони 186 тисячи 862 жительох, односно за 311 тисячи 139 особи менєй як 2002. року. Припаднїки сербского народу даваю 83,32 одсто жительства держави.
 
Учасц Руснацох у вкупней популациї Сербиї спрам резултатох з попису 2011. року виноши 0,2 одсто, а на прешлим, з 2002. року була 0,21 одсто.
 
На основи терашнього остатнього попису, у Войводини жию 13 тисячи 928 Руснаци. Покраїна ма милион 931 тисячи 809 жительох, а Серби творя 66,67 одсто єй популациї.
 
На подручу Општини Кула жию 4 тисячи 588 Руснаци, а у Општини Вербас 3 тисячи 375 Руснаци. На териториї Городу Нового Саду єст 2 тисячи 160 Руснацох, у Општини Жабель тисяч 198, а на подручу Општини Шид тисяч 27 Руснацох.
 
Першу кнїжку резултатох Попису жительства мож опатриц и на тим сайту Рутенпресу, на правим боку.

саб