Serbija: Na ponedzelok konstitutivna schadzka Nacionalnoho sovitu Rusnacoch

На пондзелок конститутивна схадзка Националного совиту Руснацох

Конститутивна схадзка нового, штвартого зволаня Националного совиту (НС) рускей националней меншини у Сербиї будзе отримана на пондзелок, 17. новембра, на основи Одлуки министерки за державну управу и локалну самоуправу Кори Удовички, хтора принєшена 7. новембра.

 

Конститутивна схадзка НС Руснацох на пондзелок будзе отримана на 18 годзин у Руским Керестуре, у просторийох Дому култури.

 

Як и за други национални меншини хтори 26. октобра отримали нєпоштредни виберанки за национални совити, конститутивну схадзку НС Руснацох зволує Министерство за державну управу и локалну самоуправу.

 

З конститутивну схадзку будзе предшедовац на нєй вибране Роботне предсидательство, а главна точка потвердзованє мандатох членом Совиту и конституованє Националного совиту. З поволанку за схадзку будуцим членом Совиту доручени и Дочасови дїловнїк о роботи на Конститутивней схадзки, як и фотокопиї увереньох о їх виборе до НС Руснацох.

 

Як пише у поволанки з Министерства, после законченя конститутивней, НС у новим зволаню такой може отримац и свою першу порядну схадзку.

 

автор:  зам