Škandal v Prjašovi

"Medžinarodna konferencia“ i rusyňskyj bal v Prjašovi - velykym fijaskom Rusyniv
V pjatnicju 12. februara 2010 sja u Prjašovi v kongresovij sali hotela Dukla odbyla konferencia kotra mala maty medžinarodnyj charakter i kotra byla prysvjaščena mons. Janovi Hirkovi, jak čoloviku s vrucnym odnošyňom ku Rusynam. Už pered konferenciou i toty nezainteresovany sja paradoxni interesovaly o tim v jakym dusi i čom je vlastni konferencia takoho medžinarodnoho charakteru organizovana i prysvjaščena pravi mons. Janovi Hirkovi, kotroho   väčšina rusinskych gréckokatolíckych virijuščich  vnimať negativno. Vin ne lem že  nevyrišiv  rusinsku problematiku v ramkach  greckokatolíckej cirkvi a pravi naopak byl iniciatorom slovakizácie v našoj  cerkvi.
 

Veľo Rusyniv davať za krivdu u slovakizaciji obrjadiv sučasnomu vladykovi Babjakovi, no tu je potribne skonštatovaty, že  vin lem nastupiv do vlaku kotryj rozbihnuv  mon. Hirka v minulosty. Mnoho z učastnykiv sja nadijalo, že konferencia bude tzv. odpoviďov na fakta z istorii, kotry nichto ne može vyvernuty a ani svojvoľni  interpretovaty. No ne stalo sja tak. Konferencija byla velykym, škandalom  a i holovno haňbov pro nas Rusyniv. Zučastnylo sja jij ,,až 20 ľjudej“ a  ku  medžinarodnomu  charakteru mala barz daleko. Byla zavadžajuca, neobjektivna a učasť na akciji nebraly nijaky zastupci rusyňskych organizaciji, kotry v rusyňskym rusi posobjať už dovhy roky.

Najväčšim fijaskom bylo, že na konferenciji ne braly učasť ani grekokatoličny svjaščenici, pro kotrych osoba mon. Hirku by mala byty neodeliteľnov sučasťov jich pastyrskoho žyvota. Ciľom toj stati ne je hodnotyty dijateľsvto mons. Hirky z grekokatoličnoho boku, jak biskupa, bo mať zasluhy za kotry je potribne ďjakovaty. No informacija je na zadumanja hodna pro organizatoriv akciji jakym byla ne tak davno vynyknuta organizacija Združinja Rusyniv Sloveňska, kotroj predsedom je Mgr. Rastislav Zima, v zmysli, že ne majuť nijake moralne pravo zastupovaty všytkych Rusyniv Sloveňska v takych citlivych temach jak i  ďjakovaty mons. Hirkovi v meni všytkych Rusyniv!!!  Bo mimo vyše uvedženoj organizaciji žadna inša rusyňska organizacija neparticipovala na toj konferenciji.  Všytkym Rusynam je nad miru jasno, že mon. Hirka pro nych nezrobyv absolutni nič. To suť historičny fakta kotry nemožuť vyvernuty ani samy organizatory akciji. Neznalosť, neskušenoť a neobjektivnosť organizatoriv zavelo Rusyniv do takych periferiji, že suť teper na haňbu sloveňskomu žyteľstvu holovno na teritorii Prjašivščiny.
 

Daľšov ,,vydarenov“ akcijou byl 1.Medžinarodnyj Rusiňskyj bal, kotryj sja odbyv na slidujuščij deň tyž v hoteli Dukla. V uputavkach byl velykym lakadlom, bo sľuboval dospravdy interesnyj program, tombolu  a navece o rusyňsky baly v samym misti Prjašov je i byv furt velykyj interes. Interesnym byl až do toho času poky sja ľude ne diznaly čom i na jaku počesť je organizovanyj. Vynimkov byl lem tot poslidnij,  bylo na nim  až 40 učastnykiv z toho 20 z nych bylo vystupajuščich, kotry zakryvaly prazdnotu bohato prestrenych stoliv. 

Ne hrala ani dokincja avizovana popularna muzyka Juno z Čirča, bo organizatory jim na  poslidnju chviľu povyly, že bal sja rusyť. Bohužaľ, bal sja ne rušyv lem učasť ľudej sja zrušyla.. Ne fer bylo i toto, že organizatoty vyholosyly, že perša cena bude automobil Shewrolette. Dumam, že dosť lukrativna ponuka a zdobyty lem tak takyj luxusnyj motor za paru dribne mož považovaty za velyke ščastja. No ščastja mať veľo podob a v tim pripaďi bylo u učastnykiv lem do tohdy poky sja ne diznaly, že v tombili mož sice vyhraty luxusnyj automobil, no lem na vikend. To značyť z vyhratoho  auta sja zrazu stalo auto lem na  požyčanja. Postup organizatoriv Združinja Rusyniv Sloveňska je  smutnyj   zavadžajučij a holovno psuje imidž Rusyniv mista Prjašiv.

V zaveršalnych  slovach je už lem potribne  poukazaty na fakt,  že Združenie Rusinov Slovenska je len nedávno založene spoločenstvo, kotre  bez akejkoľvek spolupraci  a porady s odborníkami a existujúcimi organizaciami zorganizovalo  Medžinarodnu odbornu konferenciu i bal  kotry byly  doslovni  vysmechom Rusyniv. Zadumajme sja,či taka forma integruje i pryspivať ku daľšomu obrodžovacomu procesu Rusyniv ne lem na Sloveňsku, ale i u sviti.
 

-ls-