Sotrudnictvo utverdzene

Сотруднїцтво утвердзене
На поволанку предсидателя Општини Свиднїк у Словацкей Републики, делегация Општини Вербас прешлого викенду нащивела тот город, з котрим пред трома роками подписани контракт о сотруднїцтве. У делеґациї Вербасу у нащиви Свиднїку були член Општинскей ради Борис Биєлович, и заменїк предсидательки Скупштини општини Велько Цицмил, як и Мирослав Силадї, як член КПД “Карпати” и предсидатель Месного одбору Рускей матки у Вербаше. Источасно, вон бул и прекладатель вербаскей делеґациї, понеже у цалей руководзацей ґарнитури Свиднїцкей опшини Руснаци, дознаваме од Силадя.

На приєму, котри приматор Свиднїку Янко Голодняк орґанизовал за госцох, Борис Биєлович виражел задовольство пре предлуженє приятельства двох општинох и з тоту нащиву и же тераз почина праве сотруднїцтво, котре будзе реализоване през заєднїцки проєкти Европскей униї, у тераз можлївих обласцох.  Указало ше же найлєгчейши способ сотруднїцтва у култури, месдзитим,  вербаска делеґация у Свиднїку замерковала и вельо добри ришеня з комуналней обласци.