Soviti vymahaju okremne ministerstvo za menšini

Совити вимагаю окремне министерство за меншини
Представителє 14 националних совитох вимагаю же би у новей Влади Сербиї ознова було основане окремне Министерство за людски и меншински права.

На схадзки отриманей пондзелок, 4. юния, у просторийох Националного совиту Словацох у Новим Садзе, поведзене же пре важносц припаднїкох меншинских националних заєднїцох за медзинародне положенє Сербиї, число националних совитох и зложеносц дїялносцох хтори окончую, нєобходне же би Министерство за людски и меншински права було видвоєне з терашнього заєднїцкого министерства з ресором и за локалну самоуправу.

Предожене же би министер мушел буц припаднїк меншинскей заєднїци, з искуством у обласци защити и промоциї меншинских правох, а требали би го предкладац национални совити.

На схадзки участвовали представителє националних совитох Болгарох, Бунєвцох, Бошнякох, Грекох, Горватох, Македонцох, Нємцох, Ромох, Румунох, Руснацох, Словацох, Словенцох, Українцох и Чехох.

(конєц) саб