Stefan Suchyj: Hrybar i kusačka (Bajka)

Грибарь і кусачка (Байка)

Порціює грибарь дома
запах лiснoй далькы,
лізуть по столі стоножкы,
мурвані, щіпалкы.

Тоты створы пальцьом пучіть,
йде сіркаста юшка,
як ту голосом хробачім
замерьвить ся ташка.

Розбераш світ на часточкы,
Як на зачатку быв?
Но ты не трий нашы лабкы
Забабранов руков.

Мы сьме жывого роджаю,
зeмльов выплеканы,
дайте місце нашій зарві
і про природы планы.

За палець го вьїло штоська...
Ах, чортова бабо!
Щiпло тя властне сумлїня
а то іщi слабо.

Та раз нас вкусить океан,
земля ай небеса.
Но што новіш мі, грибарю,
чом страхом трясеш ся?

Досправды грибарь занімів,
мюcльов тяжко гребе,
і наглі-м збачів, же то я,
то я забыв на себе.

Пребачте, не хотiв єм так,
хробаче з весміру,
бо не лем влiті людкове
страчають вкус і міру.

У вашій школі все треба
вчіти чоловіка,
бы каждый крок і каждый час
не дав світу гріха.

І што же єсть то кусачка,
походить із чого?
Чудо, хоць ся не вкаже,
а тне до жывoго.


Štefan Suchyj: Azbukova mama (2010)