Štefan Suchyj: Konec svita

 
Конець світа
Братове і сестры Єгововы, якы ня прийшли у неділю пообіді пересвідчовати о тім, же їх віра є найсправодливіша, прозрáдили мі, же двадцятьдевятого áвґуста на другый рік настане конець світа.
 
Віра є зацна кажда єдна, бо помaгать віруючому чоловікови жыти про дашто веце, як лем про себе, родину і про маєток. Але ай товды, кідь знам подрібный датум світовой кончіны? З такым предупреджіньом бы ся тяжко жыло ай Іоáнови Богослoвцьови, áвторови армаґедóньского посланяі з Новóй Зáповіди. Віра у высшого духа має быти достойна а є на заваду, кідь свою вывышуєме над чуджý. Выліпшовати але усé кажду мож.
 
Ісус колиська засновáв хрістіянство на базі выліпшіня і добовой актуалізації жыдівского старозаповідного научаня. Не мав коли задýмовати ся над тым, кількома „выліпшінями" буде мýсіти перейти йогo хрістіяньска віронаука, котрá в ході тісячрoч спордила многы далшы хрістіяньскы віры і цéрьковли.
 
На зачатку двадцятьпéршого стороча позад добы Íсуса приходжають до мого дому хрістіяны-еговісты тай твердять мі, же тотo, што о Хрістови твердять вшыткы мімо них, є обычайне недорозумліня і блударьство.
 
В кухни запахло кіньцьом світа. То дым із ватер вічных правд, котры ся указують быти лем а лем релатівныма?
 
Так што же бы моглo быти холем дакýс абсолутне? Жебы тот конець світа?
 
Можно... Акурат датум не обстоїть. Думати на то час од часу єднозначні треба.
 
Štefan Suchyj zo zbirky eseji: Most na rikov času
Vydal: Spolok rusyňskych pisateľiv (2009)