Štefan Suchyj: Pesje mysja (bajka)

Песє мися
(Байка)

Не все час мать таку шансу
Познимати із шый ланцы.
А щасточко барз файнове
трафило ся Бобійови.

(Просите ся, хто то єсть?
Знайте, же сусідів пес.
Знамьій, є він демократ,
што вoльностьов дыхать рад.)

Хоць не чує ланц на шыї,
цілый день жалостно выє.
Што ся з тобов, Бобі, діє,
же так прязно ламентієш?
-взве ся пес Рексiйом званый,
што при плоті привязаный.

Спустили ня з ланцку, брате,
новембровы демократы,
бігам і лябoчу сміло,
но голодом ня ізмлоїло.

Добрі было мі колиська,
кажде рано - повна миска,
а одколи вольні пискам,
іспорожніла ай миска.
Песій жывот є на ланцку
й чекати на паньску ласку,
но не хваль таку слободу,
кідь іздыхаш од голоду.

Ой, люди суть потвориска,
позбыткують ай із пcиска.
Кідь вам дадуть вольность днeська,
завтра од вас возмуть миску.
I том выє не єден
пан демократ голоден.

Ай ты пісны ґамбы стуляш?
Чекай на вольбовый ґуляш.

Štafen Suchyj: Azbukova mama (2010)