Štefan Suchyj: Škoľarova molytva

Школярьoва молитва

Дякую ті, господе,
за студник на думу
й обiцям, же го на всe
очіщати буду.

Маннов мудрости із книг
сытити ся хочу,
бы-м нашым людьом із їх плеч
ізняв тяжку ношу.

Застругай мі церузу,
старостливый няню,
буквы складати до слов
такый намір маю.

К добрым скуткам рушам
ся під сонёчным оком,
моя подума - важна,
йду за ньов нароком.

Ладить мати кошулю,
по голові гладкать,
выпрала ї у воді,
што мать мєно ласка.

Гварить мі світ молодый,
Премудрocтьoв  вмытый,
абы-м одтяг заслону
з таїмностей скрытых.

Дольо, дай, най шелестить
ай моя обнога,
бы-м прязный чoлoвik ріс
про господа Богa.

Štefan Suchyj: Azbukova mama (2010)