Štefan Suchyj: Slymak

Štefan Suchyj: Slymak

Слимак

Чули сьте о слимаківцьох,
за зарва што єсть то яка?
Суть то дівчата і хлопці
із натурелом слимака.

Мыш му до хыжкы задуркать:
-Понагляй ся, буде бурька!
-На наглость ту ньит прічіны,
кідь дримлеш в своїй хыжчiні.

І так свою правду меле:
- Помалєнькьі зайдеш дале!
Та ідеї т'ты не вiчны
на гріщу, ці в тілоцвічни.

Ах, по світі є слимаків,
як на полю вліті маків!
І быв бы то потенціал,
та хыбує їм ідеал.

Не знають вступити до гры,
они із того не смутны.
Намісто біпв і скоків сплять
в копривах попід плоты.
Не здавать ся быстра мышка,
будить го, по ріжкбх кыцькать:
- Втікай, бо йде к нам планный гость!
Він на т'то, же часу дость.

Суть на світі дні ай такы,
кідь втікати мусиш знати.
Слимак мав іншу маніру
й скончів в французькім таніру.

Подля пoголоскы старой
од правіку так все было;
Помалeнькы ту роздумуй,
але утікай наскоро!

Štefan Suchyj: Azbukova mama (2010)