Štefan Suchyj: Zlata azbuka (1)

Злата азбука
 
А - Прелюбeнькы мої діти,
хочете ся азбучіти?
Ту - азбука, там - азбука,
та не од бука до бука.
Пустьте вы ї к собі днука,
дасть богатства вам азбука.
 
Б - Бескіде наш бережистый
у ербі із медвідьом,
буйны спiвы не згорять ті,
бо суть хрещёны огньом.
 
Б - Ішов Василь з ситом по сіль,
впав з сільов до воды.
Чом-сь через брід не сiв на віз?
Такы твої ходы...
 
Г - Гусьці, пульці, рогатому
гырмні ся не глум, бо станеш
ты не до гардого сліду,
тай сам бараном зістанеш.
 
Ґ - Билинґать му на
ґероку ґoмбічка єдна невроком,
к тому згужваный ґалір
- кедвёшный то ґавалiр.
 
Д - Дзень-дзелёнь, дзень-дзелён
Дзеленьчіть дзвін на день,
дзеленькать з дзвініці
вшыткым в околіці.
 
Е - Чёрез овёс
iде пес
Бобі, де-сь?
Пес ізчез.
 
Є - Єво, Єво, твоє мeно
красі вiнeць виє.
Хоць о тобі я не думам,
ай так ся мі сниєш.
 
Ж - Жьіто жала,
жнива были,
жовтіло ся
жовте поле.
 
З - Біжьіть коза позад воза,
зубами цоркоче,
зелене зіля з телігьі
змерендзяти хоче.
 
І - Ігла іде, цверну веде
і нйхто не згадать,
кілько дірок сама зробить
і кілько  заплатать.
 
І - Поїднав їж мышку
попрятати хыжку.
Як комору пораїла,
вшыткы ябка му поїла.
 
И - Косили, сушили,
грабали, возили...
Хто?
Хлопів пять.
У холодку сллять.
 
Ы - Ідуть дві І на вандры,
в тяжкій зайді - пирогы.
Друге бы ї підняло,
кібы перше ся зогло.
 
Й - Йой, тот Йожко з Миковой,
йой, великый є ковбой.
Пришов із Нев-Йорку,
мать Дейвїдсон моторку.
 
К - Кодкодаче курка,
щі лем вышло сонце,
кортать когутика,
же їй розбив яйце.
 
Л - У юлію липы пахнуть,
лісы, поля, лукы...
До уліїв мед назберать
хто, хоць не мать рукы?
(алочП)
 
Štefan Suchyj: Azbukova mama (2010)