Štefan Suchyj: Zlata rybka

Злата рыбка
(Байка)

Хто то по ходнику дыбкать?
3 рікы  вышла злата рыбка.
Дрылять боків волны зводны,
превказуе внады водны.

Стрічать сусіду пан рак,
є їй радый неборак
й вбіцять сі од того много,
бо сам жыє дость убого.
Рад бы спід помулы піти,
воду з водоводу пити,

Заджмурькоче рачім очком,
подасть уклон заднім, крочком,
од богатой рыбочкы
просить скромну пoжычку.

Златой фірмы менеджерко,
втвoрьте ракови серденько,
замахайте хвостом златым,
зробте, бы-м быв тыж богатым.

Ах, были то златы часы,
кідь ся жылo з снів і красы,
а вшыткым без розмышляня,
сповнила-м по три желаня.
Потім в людьскых калных водах,
наступила друга мода.

Днесь як дахтo хоче веце,
давать до залогу сердце.
Же сьме од рікы Лабірьця,
не возьму ті прецінь сердце.
(Я так колись дала своє
й стратила-м емоціoне. 1)
Пробуй щастя, пасти світа,
до залогу даш клепета.
Хто пінязім не є рад?
Зрадовав ся їм ай рак.
Дав клепета на офіру,
же до світа зробить діру
і не найде грошім міру...

Течуь грoшы коло нього,
ньит влапити їх до чого,
заплакав рак сеґінь гірко,
бо му з рады рыбкы мілко.
Забыв бізнісменный рак,
же в капіталізмі так:
Тому веце все ся впало,
хто мать бівше похапайло.
Маш велику смолу, брату,
як щі к тому йдеш дозаду.
Кідь дозаду, тай доспoду,
Лыґай, раче, мутну воду!
Зато ся, панове браты,
допереду треба драти.

Но а рыбка? Што там рыбці!
Ньит їй тяжко, - не мать сердця.
Бідных раків се є сила,
злата рыбка - лем єдина.

-----
1  емоціоне (тал.) - чувство


Штефан Сухый: Азбукова мама (2010)