Stimul pre upis škoľaroch do OŠ

 

Зоз средствох Националного совиту (НС) Руснацох буду виплацовани мешачни стимулациї школяром хтори у школским 2012/13. року уписани до першей класи ОШ, до оддзлєньох з руским наставним язиком у порядней настави у школох у Дюрдьове и Коцуре.

Совит таку Одлуку принєсол вособоту, 30. юния, понеже, як гварене, грожело заверанє руских оддзелєньох, окреме у Дюрдьове, дзе бешедованє и з родичами.

Мешачна стимулация виноши 3 тисячи динари, будзе виплацована 10 мешаци на рахунки родичох, алє лєм за тот школски рок. Буду ю доставац шесцеро дзеци у Дюрдьове и седмеро у Коцуре.

Одлука принєшена єдногласно, гоч Национални совит виражел нєзадовольство же до нєй мужшело присц, медзитим, як гварене, и попри тим же маме на тото право, можлївосци, условия и дзеку школох, та и нєпреривного намаганя Совиту у тим напряме, родичи барз мало заинтересовани за уписованє дзецох до руских оддзелєньох.

Як поведземе, нажаль, дзепоєдни национални меншини у Войводини таку праксу у менших и мишаних штредкох уводза уж од дзецинскей заградки. Прето НС начално потримує началну идею покраїнского омбудсману о можлївосци снованя двоязичних оддзелєньох ОШ у мишаних штредкох.

На схадзки 30. юния вименєни и Правилнїк о додзельованю стимулацийох и наградох у форми стипендийох, та за нїх од тераз годни конкуровац студенти 3. и 4. року Одсеку за русинистику котри державянє Сербиї и младши су од 27 роки.

(конєц) зам