Stratégia rozvoja kultúry vojvodinských Rusínov do roku 2012

Документи котри представяю стратегию явного интереса у култури войводянских Руснацох по 2012. рок представени вчера вечар, 4.септембра, у просторийох РКПД у Новим Садзе.

О документох у чиїм формулованю участвовали прейг 220 особи зоз явного и културного живота Руснацох облапяю шицки сегменти културу у єй узшим и ширшим значеню, бешедовал, односно представел их директор Завода за културу Войводянских Руснацох, Мирослав Кевежди.

Вон наглашел же ше почало од дефинованя стана и потребох у обласци музеологиї, архивистики, галеристики и библиотечкей дїялносци одкац розконарени шицки други подобласци важни за нашу културу односно утврдзовани явни интерес у култури войводянских Руснацох.

Кед у питаню розвойно виглєдовацка програма Кевежди наглашел же треба добре вибалансовац шицки подруча култури , повязовац их медзисобно и намгац ше же би култура була повязана зоз привреду, бо то намаганя и европского културного моделу.

З оглядом на то же ше дефиновали числени проєкти котри би требало реализовац, Кевежди наглашел же ше будзе мушиц правиц приоритети бо финансиї за реализацию проєктох буду огранїчени.

Вчерайша промоция у РКПД була источашнє нагода же би ше на скромни способ означело рочнїцу кед 4. септембра 2008. року и урядово почал зоз роботу Завод за културу войводянских Руснацох.

(конєц) єп