Stritnuťa u Labirci

 

V ramkach projektu STRITNUŤA Z RUSYŇSKOV KULTUROV zorganizovala organizacija molody.Rusyny v spolupraci z Mistnov organizacijov   Rusyňskoj obrody u Laborci stritnuťa predstaviteľiv molodežnickoj organizacyji z molodežnykami z mista Medžilaborci. Akcija sja konala v pjatňicu 4. novembra od 18.00 h v prostorach Mistskoho urjadu.

Na samim počatku všytkych prytomnych privytav Alexander Franko a odovzdav slovo zastupnykam organizacyji molody.Rusyny. Toty na začatku predstavyly projekt stritnuťa i joho namiry a nasledňi predseda organizacyji Petro Štefaňak prezentovav organizacyju, jej ciľi, aktivity, vysľidky roboty, jak i problemy. Po joho prezentacyji nasľidovala diskusyja, v kotrij molodež z Laborca interesuvaly možnosty zapojiňa sja do roboty rusyňskych organizacyji,  tak samo i možnosty organizovaňa i finančnoj podpory aktivit a akcyji rozvyvajučich rusyňsku kuľturu.

 

V korotkyj prestavci vystupiv z avtorskyma špivankami duet z Kamjunky Ivana Sivuľková a Martin Karaš. Poťim diskusyja pokračovala pryspevkami od zastupciv Rusyňskoj obrody na Slovensku, jak i poslanca mista Medžilaborci Alexandra Bobera a od zastupciv mistnoho skautskoho združiňa.

 

Prijemne stritnuťa v misťi pyd horou Kamjana skončylo spoločnym špivom krasnych ľudovych špivanok a malym občerstviňom.

 

mk