Švetočna akademija
У Коцуре вчера вечар отримана Шветочна академия Централней шветочносци означованя 17. януара - Националного швета Руснацох.
На Шветочней академиї з нагоди нашого Швета у преполней сали коцурского Дома култури присуствовали народни посланїки др Дюра Мученски и Олена Папуґа, апостолски еґзарх за грекокатолїкох у Серби и Чарней Гори, кир Георгий Джуджар, предсидатель Националного совиту Руснацох Славко Рац, Бела Айзенберґер, спред Министерства за людски и меншински права Влади РС, покраїнска посланїца Леона Виславски, заменїк предсидателя Општини Вербас Вукашин Вуїчич, як и представителє Амбасади України у Беоґрадзе, на чолє з амбасадором, його екселенцию Виктором Недопасом.
Попри членох Националного совиту Руснацох и його одборох, програму Шветочней академиї у Коцуре провадзели и представителє наших институцийох, орґанизацийох и установохох, жителє Коцура и представителє орґанизацийох и дружтвох скоро зоз шицких наших местох.
Националне швето - 17. януар - Руснацом у Сербиї повинчовали предсидатель Националного совиту Руснацох Славко Рац, преосвящени владика, кир Георгий Джуджар, Бела Айзенберґер, спред Министерства за людски и меншински права и заменїк предсидателя Општини Вербас Вукашин Вуїчич.
Академия почала з интонованьом Гимни Сербиї и Шветочней шпиванки Руснацох у Сербиї "Браца Русини", котри одшпивал Хор КПД "Карпати" з Вербасу, под дириґенством Юлияна Рамача.
Дует Агнета Тимко и Йовґен Надь одшпивали шпиванку "Руски коренї", Руска женска шпивацка ґрупа КУД "Жатва" шпиванку "Черешенко", Саня Полдруги "Писню старей тополї", Николая Сивчова шпиванку "Януарска ноц", Танита Ходак шпивала композиция "На танцу", Михал Иван шпиванку "Писня Коцуру", док Дзивоцка шпивацка ґрупа КУД “Жатва” - “Коцурски красавици”, на Академиї участвовала з двома шпиванками - “На токайским мосце” и “Другим граю”
Шпивачох провадзел Вельки руски народни оркестер, под руководством Юлияна Рамача, а 26-членови Оркестер и сам одграл Венчик руских народних шпиванкох, у аранжману Мирона Сивча. У програми участвовали и рецитаторе з Коцура - Иван Недич, з писню Михала Ковача "Коцур" и Ана Мария Недич, з писню Михала Рамача " З руского лїтопису".
Конферансу водзели Марина Рамач и Златко Рамач, з Информатиовней програми по руски ТВ Войводини, а после Шветочней акадеемиї, пригодни коктел за госцох и учашнїкох, з назву "Коцурски вечар", отримани у "Пелейовей сали".
Шветочну академию директно преношела РТВ Войводини на своєй Другей програми, а Информативна програма по руски Радио Нового Саду, програму Шветочней академиї емитує нєшка, од 12,30 годзин.
(конєц) зам
Aktuality
Zobraziť všetky
Dve percentá, jeden spoločný cieľ
Archív: Rodák z Podkarpatskej Rusi Mikuláš Popovič získal ocenenie Česká hlava
Rozhovor: Pešiak, ktorý objavil HIV
Vladyka Milan Lach SJ bol vymenovaný za eparchiálneho biskupa Bratislavskej eparchie
Pozvánka na premiéru: Predavač dažďa / Продавач доджу
Lemkovia vytvárajú „Hołos“. O kultúre, ktorá nezanikla
Naše obce
Zobraziť galérie
Ujko Vasyľ
-Osiň to vtodŷ, kiď kuryš i pješ, ale lem v teplŷch ponožkach/štrymfľach.
Bo zdravičko soj treba choronyty...!
